Գնում եմ, որ գամ……….

Բարև իմ շատ սիրելի ընկերներ: Ես մեկնում եմ Ամերիկայի Միացյալ Նահանգներ: Ես ձեզ և ուսուցիչներիս շատ եմ սիրում, շատ կկարոտեմ: Վստահ եմ, որ տարածությունը չի կարող խոչընդոտ հանդիսանալ մեր շփման շարունակման համար, քանի որ կան բազմաթիվ կապի միջոցներ, որոնք կչեզոքացնեն մեր միջև հեռավորությունը:
Ես գնում եմ, բայց ձեզ երբեք չեմ մոռանա, քանի որ, անկեղծ ասած՝ ձեզ մոռանալ չի էլ լինի: Ես իմ հետ տանում եմ հիշողություններ, մեր ճամփորդությունները, տպավորություններ, գիտելիքներ, հույզեր, անկեղծ մարդկային հարաբերուրություններ, ընկերասիրություն, փոխադարձ հարգանք, հմտություններ և ազատություն և, առհասարակ, այն ամենը ինչ ձեռք բերեցի 5 տարիների ընթացքում այն հարուստ, գունավոր, պայծառ և ստեղծագործական միջավայրում, որը կոչվում է Մխիթար Սեբաստացի կրթահամալիր:
Բարով մնաք. ես  գնում եմ, որ  գամ…

            Սիրով ձեր Մարինա

Առաջադրանքների փաթեթ. 5-2 դասարան

Նոյեմբերի 28
Հնչյունափոխություն

1. Տրված բառերի վերջից բաղադրիչներ ավելացնելով՝ բառեր կազմիր այնպես, որ տեղի ունենա հնչյունափոխություն:

ա) բուրդ, սիրտ, կույր, ճահիճ, ալյուր, կեզ, ատամնաբույճ
բուրդ-բրթյա
սիրտ-սրտացավ
կույր-կուրություն
ճահիճ-ճահճոտ
ալյուր-ալրատուն
կեզ-կիզող
ատամնաբույժ-ատամնաբուժություն
բ) վիշտ, թույլ, ծնունդ, հաշիվ, արթուն, հույն, տույժ
վիշտ-վշտություն
թույլ-թույլիկ
ծնունդ-
հաշիվ-
արթուն-
հույն-
տույժ-

2.Վերականգնիր տրված բառերի անհնչյունափոխ ձևերը՝

ձնծաղիկ, թխահեր, սառցահատ, երգչախումբ, կիսել, ըմպանակ, մեղվապահ, հունական, կղզյակ:

3.Դո՛ւրս գրիր այն բառերը, որոնցում կան հնչյունափոխված
արմատներ. վերականգնիր անհնչյունափոխ ձևերը։
Գրադարան, մայրուղի, կատվազգի, զարդանախշ, գլխապտույտ, խնձորենի,
լեզվաոճական, երկաթապատ, շինարարական, լուսանկար, գյուղամեջ, մայթեզր,
կուտակել, բառիմաստ, ջրապտույտ, տուֆակերտ, սրբապատկեր, ուղղաձիգ։

Մայրենի

Առաջադրանքներ՝

1.Համեմատիր դեմ-դիմաց գրված բառերը և ցույց տուր, թե հնչյունական ինչ փոփոխություններ են տեղի ունեցել.

Օրինակ՝ ջուր-ջրծաղիկ (ու-ն դարձել է գաղտնավանկի ը)
ծաղիկ-ծաղկաման (ի-ն սղվել է)
համբույր-համբուրել (ույ-ու)

հին-հնամենի (ի-ն դուրցել  է  ը)

բազուկ-բազկաթոռ, (ու-ն դուրս է գալիս)

պատիժ-պատժել, (ի-ն դուրցել է ը)

ողջույն-ողջունել, (յ-ն դուրցել  է ն)

աշխույժ-աշխուժություն, (յ-ն դուրցել է ը)

մատյան-մատենագիր, (յա-ն դուրցել է ե)

պարտեզ-պարտիզպան (ե-ն դուրցել է ի)

գլուխ-գլխավոր (ու-ն դուրս է եկել)

էշ-իշամեղու (է-ն դուրս է գալիս)

 

 

Ջաննի Ռոդարիի «Անտեսանելի Տոնինոյի արկածները»

Դու գիտես չէ՞, որ գրքի հեղինակը Ջաննի Ռոդարին է, մի նամակ գրիր նրան և հայտնիր քո կարծիքը գրքի վերաբերյալ:

Ջաննի Ռոդարի, շատ հետաքրքիր և զվարճալի հեքիաթ եք գրել,  ինձ դուր եկավ ութերորդ մասը այն շատ լավն էր ինձ դուր եկավ։ Ես կփոխեի երորդ հատվածը, այդ հատվածում մարդիկ շատ ագահ էին։

Աշո՛ւն է, քամի…

Աշո՛ւն է, քամի…
Տերևներն մի-մի,
Արցունքի նման
Դողացին, ընկան…

Փչում է, ասես,
Ունայնության պես,
Քամին ամեհի
Ճամփում ամայի…

Առաջադրանքներ՝

 1.Բացատրի՛ր բառերը՝ ունայնություն, ամեհի, ամայի:
ունայնություն-փուչ անարժեք բան
ամեհի-անզուսպ
ամայի-կատաղի
2. Մեկ նախադասությամբ գրի՛ր, թե ինչ է ներկայացված բանաստեղծության մեջ:
Որ աշնանը քամու տակ տերևները թափվում են արցունքի նման։
3. Ի՞նչ տրամադրություն է արտահայտում բանաստեղծությունը:
Երբ կարդացի շատ ուրախացա։
4. Ինքդ փորձի՛ր որևէ բանաստեղծություն /կարող է ինել նաև քառատող/  հորինել աշնան մասին: /Տեղադրի՛ր բլոգում/:
Աշուն է աշուն
ոսկե մի աշուն
տեևները թափվում են
գեղեցիկ և նախշուն

Ջաննի Ռոդարիի «Անտեսանելի Տոնինոյի արկածները»

Գլուխ իններորդ

1. «Դժվարությունը արգելք է, որի վրայով պետք է թռչել»,- մտածում էր Տոնինոն: Իսկ ի՞նչ է դժվարությունը քեզ համար, ինչպե՞ս ես դու հաղթահարում դժվարությունները:

Դժվարություններ բոլորի հետ պատահում է ուղակի պետկ է հաղթահարել: Ես էլ եմ շատ դժվարություններ հաղթահարել բայց կարողացել եմ հաղթահարել:

Ինքնաստուգում

1.Կետերի փոխարեն գրի՛ր տրված բառերից մեկը: (2 միավոր)

 Շոշափեց ու տեսավ, որ խեղճ կենդանու ողը կոտրվել է:/ող, ոխ/

Ոխ սրտում որ մնա, թույն կդառնա, կքայքայի սիրտը: / ող, ոխ/

Երբ երեկոյան հետ թռան, տեսան, որ իրենց բույնը գրավել է անծանոթ մի թռչուն: /բույն,բուն/

Մի  քանի հոգի ձեռք ձեռքի էին տվել ու փորձում էին գրկել հինավուրց ծառի վիթխարի բունը:/բույն,բուն/

Քո չքնաղ ծաղկի բույրն է ինձ այստեղ բերել: / բույր, բյուր/

Անթիվ ու բյուր են աստղերը: / բույր, բյուր/

Մոտակայքում ապրողներն այնքան են վարժվել Վիկտորիա շառաչին,որ դրան էլ ուշադրություն չեն դարձնում:/Վիկտորիա, Վիկտորյա/

Տնեցիներն այնքան են վարժվել Վիկտորյա անտեղի լացուկոծին, որ դրան էլ ուշադրություն չեն դարձնում: /Վիկտորիա, Վիկտորյա/

 2.Եթե նախադասությունները  ճիշտ դասավորես, կիմանաս, թե ինչպես է առաջացել իմ կույր բախտից արտահայտությունը: (2 միավոր)

Հին հռոմեացիները Ֆորտունա անունով բախտի և արդարադատության աստվածուհի ունեին:

Նրանք այդ կնոջը պատկերում էին աչքերը կապած, մի ձեռքին` կշեռք, մյուսին` սուր:

Աչքերը փակող թաշկինակը նրա համար էր, որ ոչ մեկին չտեսներ և արդար դատեր:

Կշեռքով նա կշռում- դատում էր մարդկանց գործերը:

Իսկ մյուս ձեռքի սուրը մեղավորին անխնա պատժելու համար էր:

Այստեղից էլ առաջացել իմ կույր բախտից արտահայտությունը:

3.Առածները  լրացրո’ւ  ընդգծված բառերի հականիշներով: (2 միավոր)

Չկա չարիք առանց բարիք:
Տերովին  տերն է պահել, անտերին գայլն է կերել:
Մտնելուց  առաջ միտք արա, թե ոնց դուրս գաս :
Ինչքան գետնի երեսն է, յոթ  էնքան գետնի տակն է:

4. Որ շարքում են բառերն այբբենական կարգով դասավորված, ընտրիր ճիշտ պատասխանը: (1 միավոր)

ա/կարճ,կարիճ,կարթ,կարագ

բ/բադ,բեմ,բիծ,բոռ,բուն

գ/գլխարկ, հայելի, օրինակ, գրիչ

5.Կարդա՛ առակը և մի քանի նախադասությամբ մեկնաբանի՛ր: (3 միավոր)

Գայլերը ուզում էին հարձակվել ոչխարների հոտի վրա, բայց ոչ մի կերպ չէր հաջողվում, որովհետև շները պահպանում էին ոչխարներին: Նրանք որոշեցին խորամանկությամբ հասնել իրենց նպատակին և դեսպաններ ուղարկեցին ոչխարների մոտ` շներին հանձնելու առաջարկով. չէ՞ որ հենց նրանց պատճառով է թշնամանք առաջացել, և եթե շներին հանձնեն, ապա գայլերի և ոչխարների միջև խաղաղություն կհաստատվի: Ոչխարները գլխի չընկան թե դրանցից ի՛նչ է ծագելու, և շներին հանձնեցին:
Եվ այն ժամանակ գայլերը, որ ավելի ուժեղացել էին, առանց դժվարության հաշվեհարդար տեսան անպաշտպան հոտի հետ:

Ես հասկացա, որ

Ավետիք Իսահակյան Գետակի վրա

Գետակի վրա
Թեքվել է ուռին
Ու նայում է լուռ
Վազող ջրերին։

… Երազ-աշխարհում
Ամեն բան հավետ
Գալիս է, գնում
Ու ցնդում անհետ։

Եվ գլուխը կախ՝
Նա լաց է լինում.-
Ջրերը ուրախ՝
Գալիս են, գնում…

  1. Բանաստեղծության մեջ հականիշ բառերի զույգ կա: Գտիր և դուրս գրիր:
    Գալիս են, գնում
  2. Գրիր ուրախ բառի հոմանիշը, ապա հականիշը:
    ուրախ-հոմանիշ զվարթ, հականիշ թախծոտ

3.Իմացածդ ծառատեսակները թվարկիր:
Ուռենի, Ալոճենի, Խնձորենի, Նռենի, Հացենի:

4.Ինչո՞ւ է հեղինակն այս բանաստեղծության համար ընտրել հենց ուռենին. մտովի     պատկերացրու և նկարագրիր ուռենին:

 

5.Դու վերնագրիր բանաստեղծությունը:
Ուռենին

 

 

Անդրադարձ մայրենիի ֆլեշմոբին:

1. Գտե′ք օրինաչափությունները և շարունակե′ք շարքերը 3-ական բառով: Ա շարքում պետք է ուշադրություն դարձնել վանկերի քանակին, Բ շարքում՝ նրան, թե բառն անձնանիշ է, թե իրանիշ: (2 միավոր)
Ա. Կախիչ, բաժակ, դաս, մեխակ, շեփոր, տուն, քանոն, դելֆին, քար, պոչ:

Բ. Մեքենա, դարակ, տատիկ, համակարգիչ, շուկա, բժիշկ, տուն, անուն, ծաղիկ, անասնաբույժ:

2. Լրացրե′ք նախադասությունները: (3 միավոր)

Նապաստակներն ավելի համարձակ են, քան կրիան:
Փիղն ավելի փոքր է քան վիշապը:
Դպրոցում ավելի ձանձրալի է, քան բակում:

3. Պարզե′ք, թե ինչ օրինաչափությամբ են բառերը խմբավորված և «ավելորդ» բառն ընդգծե′ք, ընտրությունը հիմնավոր′ք: Ա շարքում ավելորդ է ափսե բառը, որովհետև ի տարբերություն մյուսների ավարտվում է ձայնավորով: Բ շարքում ավելորդ է հուշել բառը, որովհետև մյուսները գոյականներ են, իսկ դա բայ: (4 միավոր)

Ա. Ասեղ, հեռախոս, ափսե, ծաղկաման, մեխ, համակարգիչ:
Բ. Վազք, հուշել, շիշ, մրցում, տաքություն, քանոն, մաքրություն:

4. Բառերի վերջին բաղադրիչներով կազմե′ք բարդ բառեր, որտեղ դրանք կլինեն առաջին բաղադրիչները: (2 միավոր, յուրաքանչյուր բառին՝ 0.5 միավոր)

Խլամիտ, լուսացույց, հանցագործ, ոսկեգույն:

Խլամիտ – միտ, մտախոհ:

հանցագործ – գործ, գործընկեր, գործիք:

լուսացույց-ցույց, ցուցափեղք:

ոսկեգույն-գույն, գույնզգույն:

5. Գործողություն ցույց տվող բառերից ստացե′ք անձ ցույց տվող բառեր: (3 միավոր, յուրաքանչյուր բառին՝ 0.5 միավոր)

Գնել, վարել, մարզել, պատմել, բուժել, օգնել: Գնորդ, վարորդ, մարզիչ, պատմիչ, բժիշկ, օգնական:

6. «Մենք իրավունք չունենք քեզ չարթնացնել» միտքը նախադասություններից ո՞րն է արտահայտում: (1 միավոր)

Ա. Մենք քեզ չենք արթնացնի:
Բ. Մենք պարտավոր չենք քեզ արթնացնել:
Գ. Մենք պարտավոր ենք քեզ արթնացնել:
Դ. Մենք ուզում ենք քեզ արթնացնել:

7. Առանձնացրե′ք այն բառերը, որոնցում ան-ը ժխտում չի արտահայտում:(1.5 միավոր, յուրաքանչյուր բառին՝ 0.5 միավոր)

Անգիր, անհույս, անասուն, անապատ, անուն, անտանելի, անիվ, անհավատ:

8. Համացանցից գտե′ք և գրե′ք, 3 մարդու անուն, որ ապրել և ստեղծագործել են Մխիթարյան միաբանությունում: (1 միավոր)

9. Շարունակե′ք նախադասությունները: (2.5 միավոր)

Մխիթարյան միաբանությունը հիմնադրել են հայերը, սակայն…
Մխիթար Սեբաստացին չի սովորել մեր կրթահամալիրում, քանի որ…
Սուրբ Ղազար կղզին գտնվում է Վենետիկում և….

Առավելագույնը՝ 20 միավոր

«Անտեսանելի Տոնինոյի արկածները»

Գլուխ ութերորդ

1.Ի՞նչ կարևոր բան հասկացավ Տոնինոն Պաոլայի հետ խնդիրը քննարկելուց հետո:

Տոնինոն հասկացավ, որ խնդիրներ լուծելը շատ հետաքրքիր բան է:
2. Վերնագրիր գլուխը՝ ա) մեկ բառով   բ) բառակապակցությամբ   գ) նախադասությամբ

ա) մեկ բառով  Տանը

բ) բառակապակցությամբ  Անհասկանալի խնդիրը

գ) նախադասությամբ Տոնինոն և Պաոլոյի խնդիր էին փորցում լուծել